Robin Sharma: Super hayot

Bugun – sizning yangilangan, sizga uni biror-bir haqiqatda go‘zal va umrboqiy narsaga aylantirib olishingiz uchun berilgan yangi hayotingizning birinchi kunidir. Hech bir o‘tmish kelajakni belgilay olmaydi, shunday ekan, hayotingizdagi ijobiy o‘zgarish­lar, burilishlar kiprik qoqqulik muddatda sodir bo‘lishi hech gap emas (albatta, agar hayot tarzingizni eng yuqori darajasigacha olib chiqishga bo‘lgan qatʼiy qarorga ega bo‘lsangiz). Qarshingizda – g‘olib­lar uchun das­tur. Bu kitob bilan qiziqayotganingizning o‘zi sizning ko‘pchilik ommadan ajralib turishingizni isbot qiladi. Shu bilan birga sizda, hayotiy kamolotga erishish yo‘lida, o‘z ong, tana va feʼl-atvoringiz ustidan g‘olib va hokim bo‘lishga qaratilgan qatʼiy qaroringiz borligini ko‘rsatadi. O‘z-o‘zini qayta kashf qilishga chorlovchi bu chaqiriqni “Labbay!” deya qarshi oling va shaxsiy imkoniyatlaringiz, qobiliyatlaringiz, xullas, potensialingiz boyliklariga cho‘ming. Buyuk bo‘lishga va nihoyat, jurʼat qiling!