Qo'shnilar shovqin qilsa, janjallashsa yoki tajovuzkor xulq-atvor ko'rsatsa nima qilish kerak

Toshkentdagi ko‘plab aholi, ayniqsa yangi qurilgan uylarda yashovchilar shovqindan shikoyat qilishadi. Qo‘shnilarning tinimsiz shovqin solishi – baqir-chaqir, musiqa, bazm va belgilanmagan vaqtlarda ta’mirlash ishlari ko‘plab noqulayliklarni keltirib chiqarishi mumkin. Ko‘p qavatli uylarda qanday qilib qonuniy yo‘l bilan qo‘shnilarni tartibga chaqirish va osoyishtalikka erishish mumkinligini batafsil tushuntirib o‘tamiz.

Agar siz qonunlarga rioya qiladigan va ko‘p qavatli uyda yashash qoidalariga amal qiladigan inson bo‘lsangiz, qo‘shnilaringizning har qanday nojo‘ya xatti-harakatlari hayotingizni uzoq vaqtga zaharlashi mumkin. Qo‘shnilar bilan janjallashishdan oldin, qonunchilik bazasini diqqat bilan o‘rganib chiqish va ular haqiqatan ham umumiy osoyishtalik tartibini buzayotganiga ishonch hosil qilish kerak.

Shovqin darajasini aniq o‘lchashning qanday usullari mavjud

Shovqin darajasini qanday qilib to‘g‘ri o‘lchash kerak. Ilgari buni amalga oshirish juda muammoli edi. Murojaat yozish, komissiyani chaqirish va uning kelishini qo‘shnilaringiz shovqin solayotgan paytga to‘g‘rilash kerak edi. Zamonaviy texnologiyalar byurokratik to‘siqlardan qochib, barchasini onlayn rejimda bajarishga imkon beradi. Shunchaki shovqin o‘lchagich (shumometr) – shovqin darajasini o‘lchash uchun mo‘ljallangan portativ qurilmani sotib olish kifoya.

Shovqin darajasini portativ qurilma yordamida qanday o‘lchash kerak

• shovqin manbasini aniqlash;
• qurilmani yo‘riqnomaga muvofiq yoqish;
• ko‘rsatkichlarni qayd etish.

Smartfonlar uchun ishlab chiqilgan maxsus ilovalardan ham foydalanish mumkin. Natijalarni qayd etish uchun smartfon ekranini yozib olish funksiyasini qo‘shimcha ravishda yoqish kerak.

Norma chegaralari

Qanday shovqin darajasi ruxsat etilgan? Har qanday o‘lchovlarni o‘tkazishda norma va ruxsat etilgan maksimal qiymatlarni bilish muhimdir. Bu boradagi ko‘rsatkichlar quyidagicha: norma 55 dB dan oshmasligi kerak, kunduzgi vaqtda, ya’ni ertalab soat 7 dan kechki 23 gacha ruxsat etilgan maksimal qiymat 60 dB dan oshmasligi lozim. Tungi vaqtga kelsak, norma 40 dB dan oshmasligi kerak.

Tinchlik haqidagi qonun. Qo‘shnilarga qachon shovqin solish taqiqlanadi

O‘zbekistonda qonunchilik darajasida butun hudud bo‘ylab kechki soat 22:00 dan ertalab soat 07:00 gacha shovqin solish taqiqlanadi. Nafaqat xonadonlarda, balki ko‘p qavatli uylar derazalari tagida ham shovqin solish man etiladi. Agar shu vaqtda uyqungizga xalaqit berishsa, bemalol ijro etuvchi hokimiyat organlari yoki politsiyaga qoidalarning buzilishi yuzasidan shikoyat qilishingiz mumkin.

Qo‘shnilar shovqin solganda o‘zini qanday tutish kerak

Xonadondagi shovqin bo‘yicha qayerga shikoyat qilish kerak? Mutaxassislarning maslahatiga ko‘ra, shikoyat yoki murojaat yozishdan oldin, qo‘shnilar bilan shaxsan gaplashib, shovqin solmaslikni so‘rash yoki ular ta’mirlash ishlarini olib bormaydigan vaqtni belgilab olish kerak. Agar kelishuvga erishib bo‘lmasa va osoyishtaligingiz muntazam ravishda buzilsa, tegishli idoralarga rasmiy shikoyatlar bilan murojaat qilish kerak.

Favqulodda vaziyatlarda darhol politsiyaga murojaat qilish lozim, agar huquq-tartibot organlari kelguncha bezorilar shovqinni to‘xtatib qo‘yishidan xavotirda bo‘lsangiz, ularning qilmishlarini videoga yozib oling. Agar kunduzgi vaqtda muntazam shovqindan aziyat chekayotgan bo‘lsangiz, profilaktika inspektorini jalb qilishingiz mumkin. Qo‘shnilar ustidan yozma shikoyat tuzish mumkin, inspektor uni ko‘rib chiqadi. Shuningdek, boshqaruv kompaniyasi haqida ham unutmaslik kerak. Ular ham sizning signalingizga ko‘ra chora ko‘rishi va shovqinli qo‘shnilarga ta’sir o‘tkazish choralarini topishi shart.

Ko‘p qavatli uyda tinchlik chegaralarini qanday qonuniy o‘rnatish kerak

Bosqichma-bosqich harakatlar tartibi. Birinchi navbatda muzokaralar olib borish kerak, agar ular samara bermasa, qo‘shnilaringizdan o‘ch olishga urinmang. Ularga zarar yetkazmang va mulkiga ziyon yetkazmang, aks holda o‘zingiz huquqbuzarlik sodir etgan bo‘lasiz. Barcha harakatlaringiz qat’iy qonun doirasida bo‘lishi kerak.

Murojaatni savodli tarzda tuzing, unda quyidagilar aks etishi kerak:

• shikoyat yo‘llanayotgan organ rekvizitlari;
• shaxsiy ma’lumotlaringiz aniq yozilishi;
• muammo mohiyati oddiy va tushunarli tilda bayon etilishi;
• osoyishtalikni buzuvchining ma’lumotlarini ko‘rsatishni unutmaslik;
• oxirida siz ushbu qoidabuzarga nisbatan qanday choralar ko‘rish kerakligi haqidagi iltimosni ko‘rsatishingiz va tinchlik buzilganligini tasdiqlovchi audio yoki video dalillarni ilova qilishingiz kerak.

Osoyishtalikni buzuvchini nima kutmoqda

O‘zbekiston hududida Ma’muriy javobgarlik to‘g‘risidagi kodeksning 192-moddasi amal qiladi, u jarima ko‘rinishidagi jazoni nazarda tutadi: eng kam ish haqining 1/3 qismidan 1/2 qismigacha, agar ushbu harakat yil davomida takroran sodir etilgan bo‘lsa.