Toshkentdagi yangi qurilgan uylardan qanday daromad olish mumkin

Yangi qurilayotgan uylardan kvartira tanlashda to‘g‘ri yondashuv ko‘chmas mulkni ijaraga berish yoki qayta sotish orqali qo‘shimcha daromad olishga yordam beradi. «Bisyor» portali qurilishga sarmoya kiritish yoki sifatli ta’mirlangan kvartirani sotish orqali pul ishlashning bir nechta asosiy usullarini taklif etadi.

Mos keladigan yangi uyni tanlash

Toshkentdagi yangi uylardan keyinchalik ijaraga berish yoki sotish uchun kvartira sotib olishga qaror qilishdan oldin, mavjud budjetni aniq belgilab olish kerak.

Agar siz ko‘chmas mulkni darhol ijaraga bermoqchi yoki qayta sotmoqchi bo‘lsangiz, tayyor ta’mirlangan (chistovaya otdelka) xonalarni tanlagan ma’qul, chunki bu:

• Bir oz qimmatroqqa tushsa-da, ta’mirlash uchun vaqt va pulni tejash imkonini beradi;
• Mulk huquqiga o‘tgan kvartirani yanada foydaliroq sotishga yordam beradi;
• Ijarachini tezroq topishni kafolatlaydi.

Agar siz ijaraga berish uchun Toshkentdan kvartira sotib olishga qaror qilgan bo‘lsangiz, shahar markazini tanlagan ma’qul. Bizning portalimizda eng yaxshi quruvchilar, foydali takliflar va o‘quv yurtlariga yaqin joylashgan eng yaxshi mikrorayonlar haqidagi ma’lumotlar doimiy ravishda yangilanib boradi. Talabalar uchun bunday variantlar ancha qulay hisoblanadi.

Yangi uyni tanlashda quyidagi qoidalarga amal qiling:

• Firibgarlarga duch kelmaslik uchun quruvchi haqidagi ma’lumotlarni sinchkovlik bilan tekshiring;
• Ijara yoki sotuv narxini oshirish uchun qulay joylashuvni tanlang;
• Ta’mirlash xarajatlarini tejash uchun tayyor ta’mirlangan kvartiralarni tanlang.

Ishonchli quruvchini tanlash

Qurilish jarayonida kvartira sotib olish mablag‘ni yo‘qotish xavfini tug‘diradi. Bu juda xavfli usul bo‘lib, garchi u juda foydali ko‘rinsa-da (qurilish jarayonidagi uy narxi bozor narxidan pastroq), puldan ham, yangi uydan ham quruq qolish xavfi katta.

Ko‘chmas mulkka investitsiya kiritishdan oldin quruvchining obro‘sini o‘rganib chiqish kerak. Tayyor obyektlar haqidagi ma’lumotlarni o‘rganing, shartnoma imzolashdan oldin kvartirani tekshiring.

Quruvchi bilan bog‘liq muammolar yuzaga kelganda, vaziyatni hal qilish va mablag‘ni qaytarib olish uchun darhol tegishli organlarga murojaat qilish kerak.

Eng mashhur turar-joy majmualariga e’tibor qarating, chunki bunday majmualarda sotib olishda firibgarlik xavfi juda past. Toshkentda investitsiya uchun eng yaxshi kvartiralar quyidagi yirik mikrorayonlarda joylashgan:

• MIRZO ULUGBEK;
• U-TOWER;
• KISLOROD.

Kvartirani qanday qilib foydali qayta sotish mumkin

Ko‘chmas mulkni qayta sotish kvartiralarga kiritilgan sarmoyadan foyda olishning eng mashhur usullaridan biridir. Oldi-sotdi shartnomasini muvaffaqiyatli tuzish uchun turar-joy sifatini oshirish va uni raqobatbardosh qilish kerak.

Quyidagi xususiyatlarga ega kvartiralarga talab yuqori:

• Texnikalar bilan jihozlangan;
• Loft yoki minimalizm uslubida sifatli ta’mirlangan;
• Domofon ulangan;
• Xonalararo eshiklar o‘rnatilgan.

Yo tayyor ta’mirlangan kvartirani sotib oling, yoki xonadonda shinamlik va qulaylik yarating - bu bozor qiymatini oshiradi. Ko‘chmas mulkning yakuniy narxini aniq baholash uchun baholovchilar yoki rieltorlarni jalb qilish kerak. Rieltor tanlayotganda, mutaxassis ishlaydigan kompaniyaning obro‘si va uning portfoliosi bilan tanishib chiqing.

Hududlar qurilishiga mablag‘ kiritish

Ko‘chmas mulkdan hatto yangi uydan kvartira sotib olmasdan ham pul ishlash mumkin. Investitsiyalarni moliyalashtirish quruvchining savdolaridan foiz olish imkonini beradi. Biroq, bu usul tashkilotni sinchkovlik bilan tekshirishni va yakuniy foydani o‘rganishni talab qiladi.

Mablag‘ni nafaqat turar-joy majmualari, balki savdo markazlari, omborxonalar yoki shahar tashqarisidagi uylar qurilishiga ham kiritish mumkin. Ba’zida yopiq investitsiya fondiga mablag‘ kiritish turar-joy kvartiralarini sotib olish va sotishdan ko‘ra ko‘proq daromad keltirishi mumkin, biroq binodagi barcha xonalar to‘liq sotilmaguncha fond yopiq hisoblanadi va mablag‘ni qo‘lga kiritib bo‘lmaydi.

«Bisyor» portalidan yordam

Maqolalarda keltirilgan ma’lumotlar sizga kvartira sotib olish uchun ideal variantni topishga yordam beradi. Saytda quyidagilar haqida ma’lumotlar mavjud:

• Ko‘chmas mulk sotib olish uchun amaldagi kredit va ipoteka stavkalari;
• Yangi uylarni bo‘lib-bo‘lib to‘lash shartlari bilan sotib olish qoidalari;
• Quruvchilar orasida firibgarlarni aniqlash usullari;
• Toshkent tumanlarida eng yaxshi ko‘chmas mulkni tanlash.

Portal yangiliklarini kuzatib boring! Biz bilan obyektni ijaraga berish, uy-joy sotish va sotib olish ancha osonlashadi!