Yevropada uy-joy sotib olish uchun eng yaxshi mamlakat nomi ma'lum qilindi

Yevropa davlatlari aholisi orasida portugaliyaliklar o‘z uylariga eng tez pul yig‘a oladiganlar hisoblanadi. Bu haqda xalqaro konsalting kompaniyasi Deloitte tadqiqotlari ma’lumotlari guvohlik beradi.

Kompaniya statistikasi shuni ko‘rsatadiki, Portugaliya aholisi 70 kvadrat metr maydonga ega kvartirani sotib olish uchun yetarli mablag‘ yig‘ish uchun o‘rtacha 3,8 yil davomida maoshini yig‘ib borishi kerak bo‘ladi. Belgiyada ham shunga yaqin ko‘rsatkichlar kuzatiladi — bu yerda bunday uy-joy uchun pul yig‘ish muddati to‘rt yilni tashkil etadi.

Norvegiya va Daniya aholisiga taxminan besh yil, Avstriya, Italiya va Vengriya fuqarolariga esa 5,7 yildan 7,1 yilgacha vaqt kerak bo‘ladi. Polshaliklar 7,5 yil, xorvatiyaliklar esa 7,9 yil davomida maoshlarini yig‘ib borishlari kerak.

Yevropada uy-joy uchun eng uzoq vaqt — 11 yil — Chexiya fuqarolari pul yig‘ishlariga to‘g‘ri keladi. Kvartira uchun pul yig‘ish muddati eng yuqori bo‘lgan mamlakatlar qatoriga Latviya va Buyuk Britaniya ham kirdi — ularning fuqarolariga mos ravishda 10,1 va 9,4 yil kerak bo‘ladi.

Avvalroq PricewaterhouseCoopers (PwC) konsalting kompaniyasi dunyo megapolislari bo‘yicha uy-joy sifati bo‘yicha o‘z tadqiqotini o‘tkazgan edi, u aholi uchun uy-joyning qulayligi kabi ko‘rsatkichni ham o‘z ichiga oladi. PwC ma’lumotlariga ko‘ra, Moskvadagi uy-joylar Berlin, Tokio, London, Singapur, Nyu-York va Mexiko shaharlariga qaraganda kamroq qulay bo‘lib chiqdi.

Manba: www.lenta.ru