Uy-joy orqali daromad topish uchun dunyodagi eng yaxshi shaharlar nomlandi

2019-yilda premium toifadagi turar joylarni ijaraga berishdan eng yuqori daromad keltirgan shaharlar Mayami, Los-Anjeles, Moskva va Dubay bo‘ldi. Bu haqda The Savills World Cities Prime Residential Index indeksi ma’lumotlari guvohlik bermoqda.

Indeks materiallarida qayd etilishicha, maksimal daromadlilik Mayamida qayd etilgan: bu yerda premium uy-joyni ijaraga berish mulkdorga yillik 5,3 foiz daromad keltiradi. Ushbu ko‘rsatkich bo‘yicha jahon bozorlari yetakchilari qatoriga mos ravishda 5 foiz, 4,9 va 4,8 foiz yillik daromad bilan Los-Anjeles, Moskva va Dubay ham kirdi. Asosiy jahon bozorlari orasida eng past daromadlilik — 2 foizdan oshmaydi — Xitoyning Shenchjen, Pekin va Shanxay shaharlarida kuzatilmoqda.

Reyting tuzuvchilarining ta’kidlashicha, yetakchi shaharlardagi yuqori ko‘rsatkichlarga premium obyektlarni sotib olish narxlarining nisbatan past o‘sishi fonida ijara stavkalarining sezilarli darajada oshishi evaziga erishilgan. Shu bilan birga, umuman olganda, qimmatbaho ijara uy-joylariga kiritilgan investitsiyalardan olinadigan daromadlilik pasayib bormoqda. «Investorlar endi ikki xonali raqamlarda ifodalangan o‘sishni kutishlari mumkin emas. Buning o‘rniga ular daromadning yangi manbalarini izlash uchun kuchlarni birlashtirishga intilmoqdalar», — deyiladi indeks materiallarida.