Xonani haqiqatan ham shamollatish kerakmi?

«Xonani albatta shamollatish kerak. Birinchidan, qishda isitish tizimi tufayli xonadagi havo juda quruq bo'lib qoladi. Bu terini, shuningdek, burun shilliq qavatini quritadi: u o'z vazifasini bajara olmay qoladi. Burun qonay boshlaydi, shilliq qavat virus va bakteriyalarga nisbatan zaiflashadi, shuning uchun O'RVI bilan kasallanish juda oson kechadi. Shuningdek, shamollatishdan tashqari, havo namlagichdan foydalanish ham maqsadga muvofiqdir», — deydi Yarseva.

Ikkinchidan, xonalarni havodagi virus va bakteriyalar konsentratsiyasini kamaytirish uchun shamollatish kerak. «Agar uyda kimdir kasal bo'lsa, uning xonasini, undan ham yaxshisi — butun kvartirani shamollatish shart. Bu oila a'zolarining kasallanish xavfini kamaytirishga yordam beradi. Hatto hech kim kasal bo'lmasa ham, profilaktika uchun derazalarni ochib turish kerak. Baribir odamlar begona kishilar bilan muloqot qiladi, ishdan, maktabdan, bolalar bog'chasidan kelishadi. Ular virus tashuvchisi bo'lishi mumkin», — deb ta'kidlaydi shifokor.

Terapevtning so'zlariga ko'ra, xonalarni nafaqat ertalab, balki kun davomida ham shamollatib turish kerak. «Xonada havo doimiy ravishda aylanib turishi kerak. Agar qishda derazalari doimiy ochiq xonada bo'lish qiyin bo'lsa, ularni vaqti-vaqti bilan ochib turish va xonadan chiqib turish kerak», — deb maslahat beradi Yarseva.

Manba: www.aif.ru