Ta'mirlash quvonch keltirsin: oilaviy byudjet uchun foydali maslahatlar

Ta'mirlash ishlari, keng tarqalgan noto'g'ri fikrga qaramay, sifatli va arzon bo'lishi mumkin. Eng muhimi — bu to'g'ri rejalashtirilgan dizayn. Aynan shu narsa barcha ta'mirlash va pardozlash ishlarining yakuniy qiymatiga ta'sir qiladi. Bu borada oilaviy byudjetni tejashga yordam beradigan ko'plab hiyla-nayranglar mavjud.

Oddiy reja

Birinchi tavsiya shundan iboratki, ta'mirlash jarayonida iloji boricha kamroq to'siqlar (devorlar) qoldirish kerak. Agar bu kichik bir xonali kvartira bo'lsa, uni «studiya» toifasiga o'tkazish mumkin. Ko'pgina hollarda qo'shimcha to'siqlar qurishning hojati yo'q. Favqulodda holatlarda buning uchun karkas va gipsokartondan (oddiy yoki namlikka chidamli) iborat soxta devor mos keladi.

Shuningdek, arkalar va boshqa yumaloq burchaklardan voz kechish kerak: bu chiroyli bo'lsa-da, ta'mirlash ishlarini sezilarli darajada qimmatlashtiradi. Bundan tashqari, u vizual ravishda bo'sh joyni kamaytiradi.

To'g'ri pardozlash tanlovi

Devor qog'ozi (oboy) yopishtirish ta'mirlashning arzonroq varianti deb hisoblanadi, chunki devorlarni tekislash shart emas va mayda kosmetik nuqsonlarni qoldirish mumkin. Biroq, amaliyot shuni ko'rsatadiki, saten-gipsdan foydalanib, keyin silliqlash va bo'yoq surtish uzoq muddatli istiqbolda foydaliroqdir. Axir, bunday pardozlash o'nlab yillar davomida xizmat qiladi. Uni «yangilash» esa bir kunlik ish, chunki bitta xonani qayta bo'yash uchun taxminan 4 – 5 soat vaqt ketadi xolos.

Yoritish

Dizaynerlik chiroqlari ancha qimmat turadi. Biroq, ularni har doim nusxalari (replikalari) bilan almashtirish mumkin. Yaxshiyamki, xitoylik ishlab chiqaruvchilar bu borada faol ishlamoqda va Toshkentga ham yetkazib berishmoqda. Do'konda 100 dollar atrofida so'raladigan chiroqni Xitoydan atigi 10 – 15 dollarga sotib olish mumkin. Bunda sifat jihatidan farq minimal bo'ladi. Asl nusxada ham, replikada ham odatda bir xil turdagi lampalar (hozirda eng keng tarqalgani LED lampalar) ishlatiladi.

Shuningdek, yoritishni yashirin LED-lenta yordamida konturli yoritish bilan to'ldirish mumkinligini unutmaslik kerak. Bu qimmat ko'rinadi, lekin juda arzon tushadi.

Mebel

Kichik xususiy ustaxonalar tomonidan ishlab chiqarilgan dizaynerlik mebellariga e'tibor qaratish lozim. Bunday kompaniyalar o'rtasidagi raqobat hozir juda yuqori, shuning uchun ularning mahsulotlari narxi fabrika mebellari bilan deyarli bir xil. Biroq, dizaynerlik mebellarining sifati ancha yuqori va siz uning qanday ko'rinishda bo'lishini (yog'och turi, lak qoplamasi, emal rangi va boshqalar) mustaqil belgilashingiz mumkin. Yana bir bor ta'kidlash kerakki, amaliyot shuni ko'rsatadiki, ular bir necha barobar uzoqroq xizmat qiladi. Dizaynerlik mebellari vaqt o'tishi bilan antikvar darajasiga o'tadi, ya'ni ularning qiymati faqat oshib boradi.

Agar byudjet hozirda xohlaganingizdek ta'mirlashga imkon bermasa, yangi ko'chmas mulk sotib olish variantini ko'rib chiqishingiz mumkin. Ipoteka yoki ortiqcha to'lovlarsiz bo'lib-bo'lib to'lash imkoniyati ham mavjud. Toshkentda bu borada «KvadratMetr» kompaniyasi yordam berishi mumkin. Ba'zida bu eski kvartirani ta'mirlashdan ko'ra foydaliroq bo'ladi.