E‘lon qo‘shish
Eng arzon kredit: Daniyada 20 yilga 0% stavkali ipoteka berila boshlandi
0
889
Daniyada ipoteka stavkalari tarixiy eng past darajaga tushdi. Mamlakat tarixida ilk bor mahalliy bank 20 yil muddatga 0% stavkali ipotekani taklif qildi. Boshqa bir kreditor esa 10 yillik kreditlar uchun manfiy stavkani belgiladi — ya'ni, qarz oluvchilardan foiz undirish o'rniga, ularga to'lashga rozi bo'ldi.
Daniyada ipoteka stavkalari tarixiy eng past darajaga tushdi. Mamlakat tarixida ilk bor mahalliy bank 20 yilga 0% stavka bilan ipoteka kreditini taklif qildi. Boshqa bir kreditor esa 10 yillik kreditlar uchun manfiy stavka o‘rnatdi — ya'ni, qarz oluvchilardan foiz olish o‘rniga, ularga pul to‘lashga rozi bo‘ldi.
Daniyadagi Nordea Bank Abp 20 yilga nol foizli qat'iy stavka bilan ipoteka kreditini taklif qilishini ma'lum qildi, deb xabar beradi Bloomberg. Agentlik ta'kidlashicha, bu mamlakat bank tarixidagi shunday turdagi ilk mahsulotdir.
Bundan oldin, avgust oyi boshida Daniyaning eng yirik ipoteka kreditori Realkredit Danmark 30 yilga yillik 0,5% stavka bilan ipoteka kreditini ishga tushirishini e'lon qilgan edi. Shu hafta esa Daniyaning kuchli uchligiga kiruvchi Jyske Bank tez orada 10 yilga -0,5% yillik manfiy stavka bilan ipoteka kreditlarini bera boshlashini ma'lum qildi — ya'ni, qarz oluvchi ipoteka uchun foiz to‘lash o‘rniga, bankdan pul oladi.
Daniya Markaziy bankining kredit stavkasi 0,05% ni tashkil etadi va u 2015-yil yanvaridan beri o‘zgarmagan.
«Bir necha oy oldin biz buni imkonsiz degan bo‘lardik»
«Bizda Daniya tarixidagi eng past ipoteka stavkalari kuzatilmoqda. Bu tarixiy minimum», — dedi Realkredit Danmark bosh iqtisodchisi Kristin Xiligsoy Xeynig The Copenhagen Post gazetasiga.
«Bu ipoteka tarixidagi yangi bob. Bir necha oy oldin biz buni imkonsiz degan bo‘lardik, ammo vaziyat bizni qayta-qayta hayratda qoldirmoqda», — dedi Jyske Bank iqtisodchisi Mikkel Xeg.
«Pul qarz olish hech qachon bunchalik arzon bo‘lmagan. Biz bu uy-joy narxlarining o‘sishiga turtki berishini kutmoqdamiz», — dedi Bloomberg'ga Daniyaning Nordea banki katta tahlilchisi Lise Nyutoft Bergmann. Uning so‘zlariga ko‘ra, stavkalarning pasayishi uy xaridorlari uchun yaxshi yangilik. Shu bilan birga, u bozordagi vaziyatni «deyarli dahshatli» deb atadi. «30 yilga pul qarz berib, evaziga atigi 0,5% olishga tayyor investorlar borligini o‘ylash noqulay», — deb tushuntirdi Bergmann.