E‘lon qo‘shish
O‘zbekistonda yosh oila uchun kvartira tanlash: eng muhim jihatlar
0
455
Yosh oilalar uchun eng muhim masalalardan biri – bu o‘z uy-joyiga ega bo‘lishdir. Odatda, xaridorlarning ushbu toifasi bir xonali kvartiralar yoki studiyalarga e’tibor qaratadi. Ko‘pincha ko‘chmas mulk kredit evaziga sotib olinadi, bu esa alohida moliyaviy mas’uliyatni hamda O‘zbekiston banklarining ipoteka dasturlarini sinchkovlik bilan o‘rganishni talab qiladi.
Yosh oilalar uchun eng muhim masalalardan biri – o‘z uy-joyiga ega bo‘lishdir. Odatda, xaridorlarning ushbu toifasi bir xonali kvartiralar yoki studiyalarga e'tibor qaratadi. Ko‘pincha ko‘chmas mulk kredit evaziga sotib olinadi, bu esa alohida moliyaviy mas'uliyatni hamda O‘zbekiston banklarining ipoteka dasturlarini sinchkovlik bilan o‘rganishni talab qiladi. Umumiy qulaylik va hududdan tashqari, yaqin atrofda maktablar, bolalar bog‘chalari, shifoxonalar va boshqa infratuzilma obektlarining mavjudligi ham hisobga olinadi.
Quyida yosh oilalar kvartira tanlashda nimaga e'tibor berishlari kerakligi haqida so‘z yuritamiz.
Tanlovning asosiy mezonlari
O‘zbekistonda kvartira sotib olishga ta'sir qiluvchi omillar juda ko‘p. Avvalo, xaridorlar byudjet, kvartiraning joylashuvi, ta'lim muassasalari va ish joyining yaqinligi haqida o‘ylashadi. Baholashning eng muhim mezonlarini ko‘rib chiqishni taklif qilamiz.
Xonalar soni
Har qanday yosh oilaga ham studiya yoki «bir xonali» uy mos kelavermaydi. Agar oilada bir nechta farzand bo‘lsa, 2 va undan ortiq xonali kvartiralarni tanlash masalasi ko‘tariladi. Xaridda adashmaslik uchun oiladagi bo‘lajak to‘ldirishni oldindan rejalashtirish va qulay yashash uchun necha xona yetarli bo‘lishini tushunib olish kerak. Bola ulg‘aygan sari unga ko‘proq joy kerak bo‘ladi va tor studiyada yashash juda qiyin bo‘ladi.
Shu nuqtai nazardan, agar keng uy-joy sotib olish uchun shaxsiy mablag‘ yetarli bo‘lmasa, kvartirani kreditga olish haqida o‘ylash maqsadga muvofiqdir. Muqobil variant – oila kengaygandan so‘ng kvartirani qayta rejalashtirish (pereplanirovka), biroq buni nazorat qiluvchi organlar bilan kelishish kerak bo‘ladi.
Infratuzilma
Farzandli oilalar uchun asosiy infratuzilma obektlarining piyoda masofada joylashganligi juda muhim. Bular qatoriga maktablar, bolalar bog‘chalari, poliklinikalar, shifoxonalar, oziq-ovqat va xo‘jalik do‘konlari, banklar va h.k. kiradi. Agar sanab o‘tilgan obektlar yaqin joyda bo‘lsa, bu doimiy qatnovlar uchun ketadigan vaqt va kuchni tejaydi. Ayniqsa, maktab va bolalar bog‘chasining yaqinligi juda muhim. Shaxsiy avtomobilga ega oilalar uchun uy yonida avtoturargohning mavjudligi alohida ahamiyatga ega.
Tanlangan hududning xavfsizlik darajasi
Kvartira tanlashda hududning kriminogen holati haqida ma'lumot olish zarur. Agar xavfsizlik darajasi past bo‘lsa, uy-joy va qimmatbaho mulkni qo‘shimcha himoya qilish haqida o‘ylash kerak. Ko‘chmas mulk ekspertlari ushbu mezonga befarq bo‘lmaslikni tavsiya qiladilar, buning bir qancha sabablari bor:
- Ota-onalar farzandi uchun xavotirlanmaydi.
- Qimmatbaho himoya tizimlarini o‘rnatishga ehtiyoj qolmaydi.
- Oila kechki payt ham farzandlari bilan bemalol sayr qila oladi.
Moliyaviy masala
Bu, ehtimol, yosh oila uchun kvartira tanlashdagi eng asosiy mezonlardan biridir. Aksariyat oilalar uchun eng dolzarb yechim – kvartirani ipoteka asosida sotib olishdir. O‘zbekiston banklari yosh oilalar uchun imtiyozli kredit dasturlarining keng tanlovini taklif etadi. Ular bilan bizning saytimizda, shuningdek, banklarning rasmiy portallarida tanishishingiz mumkin.
Yangi qurilgan uy vs ikkilamchi bozor
Qaysi biri yaxshiroq degan savolga bir xil javob berishning iloji yo‘q. Hammasi uyning joylashuvi, klassi, atrofdagi infratuzilma, obekt maydoni va boshqalarga bog‘liq. Yosh oilalar uchun yangi qurilgan uylar (novostroyka) afzalroq, chunki quruvchilar eng qulay shart-sharoitlarni taklif qilishga intilishadi:
- qo‘riqlanadigan va videokuzatuvli yopiq hududlar;
- maktablar, bolalar bog‘chalari, restoranlar, poliklinikalar ko‘rinishidagi ichki infratuzilma;
- yopiq avtoturargohlar va to‘xtash joylari;
- yaxshi jihozlangan bolalar va sport maydonchalari.
Ikkilamchi bozordagi uylar bilan ishlashda ko‘pincha qo‘riqlanadigan hudud va qo‘shimcha qulayliklarsiz, «eski» formatdagi uylarga duch kelish mumkin. Albatta, yetarli sabr va ikkilamchi bozorni batafsil o‘rganish orqali byudjet doirasida munosib obektlarni topish ham mumkin.
Xulosa
Kvartira tanlashda xatolarga yo‘l qo‘ymaslik uchun O‘zbekiston ko‘chmas mulk bozori ekspertlari bilan maslahatlashishni tavsiya qilamiz. Sizni qiziqtirgan savollar bo‘yicha batafsil maslahatni yosh oilalar uchun eng dolzarb takliflar jamlangan BISYOR saytidan olishingiz mumkin.