Yangi qurilgan uydan kvartira kalitlarini oldingiz: endi nima qilish kerak?

Yangi qurilgan uydan kvartira sotib olish – O‘zbekiston fuqarolarining ko‘pchiligi uchun eng ezgu maqsadlardan biridir. O‘z uy-joyiga ega bo‘lish uchun qat‘iyat, mas‘uliyat va bozordagi mos variantni sinchkovlik bilan tanlash talab etiladi. Bundan tashqari, mablag‘ni to‘g‘ri investitsiya qilish hujjatlarni yig‘ishdan tortib, kvartirani ko‘zdan kechirishgacha bo‘lgan puxta tayyorgarlikni talab qiladi.

Ushbu maqolada biz o‘z «uyimiz»ni tanlashda e‘tibor berish kerak bo‘lgan asosiy jihatlarni ko‘rib chiqamiz. Biz sizga kvartirani quruvchidan qanday qabul qilib olish, uni ko‘zdan kechirish vaqtida nimalarni yoningizda olib yurish, qanday jihatlarga oldindan tayyorgarlik ko‘rish va boshqa ko‘plab ma‘lumotlarni aytib o‘tamiz.

Kalitlarni olish – hali hammasi emas

Kvartira kalitlari qo‘lingizda bo‘lgach, tashvishlanadigan hech narsa qolmagandek tuyulishi mumkin. Biroq, e‘tibordan chetda qoldirib bo‘lmaydigan bir nechta rasmiy jihatlar mavjud. Ko‘chmas mulkni to‘liq rasmiylashtirish uchun kvartira holatini tekshiring va barcha hujjatlarning «tozaligiga» ishonch hosil qiling. Shundan so‘nggina yoqimli tashvishlarga sho‘ng‘ing: kvartirani jihozlash va bezashni rejalashtiring, mebel, interyer, dizayn konsepsiyasi va boshqalarni o‘ylab ko‘ring;

Kvartira holatini tekshirish

Ko‘chib kirishdan oldin kvartiraning har bir burchagini juda sinchkovlik bilan tekshirish kerak. Asosiy jihatlarni sanab o‘tamiz:

• Obyekt oldi-sotdi shartnomasida ko‘rsatilgan shartlar va xususiyatlarga to‘liq mos kelishiga ishonch hosil qiling.
• Kommunikatsiyalar, derazalar va eshiklar holatini tekshiring. Yangi uyda nosoz eshiklar, devorlardagi turli nuqsonlar, shiftlardagi yoriqlar va boshqa kamchiliklar bo‘lishi mumkin. Eng muhimi – erinmaslik va har bir kvadrat metrni juda diqqat bilan ko‘zdan kechirishdir. Har qanday nuqson aniqlanganda, bu haqda darhol quruvchi yoki boshqaruv kompaniyasiga xabar bering.

Shundan so‘ng mulk huquqini qayta rasmiylashtirish masalasini hal qilishga o‘tishingiz mumkin.

Kvartirani qayta rasmiylashtirish jarayonini yakunlang

Kalitlar «qo‘lingizda» bo‘lgach, kvartirani o‘z nomingizga rasmiylashtirish vaqti keldi. Buning uchun hududiy notariusga quyidagi hujjatlar to‘plami bilan murojaat qiling:

• oldi-sotdi shartnomasi (asli va nusxalari);
• kadastr hujjati;
• pasport yoki shaxsni tasdiqlovchi boshqa hujjat;
• davlat boji to‘langanligini tasdiqlovchi hujjat;
• kvartira va vaziyatning o‘ziga xos xususiyatlaridan kelib chiqqan holda boshqa hujjatlar.

Notariusga taqdim etilgan barcha hujjatlar haqiqiyligi tekshiriladi, shundan so‘ng uning xizmatlari uchun to‘lov amalga oshirilishi kerak. Ushbu bosqichning yakuni – mulk huquqi to‘g‘risidagi guvohnomani olishdir.

Manzil bo‘yicha ro‘yxatdan o‘tish

Rasmiylashtirish masalasini hal qilganingizdan so‘ng, o‘zingizni yangi manzil bo‘yicha ro‘yxatdan o‘tkazing. O‘zbekiston qonunchiligiga ko‘ra, ushbu protsedura hududiy ichki ishlar organida amalga oshiriladi. Masalani hal qilish uchun pasport va mulkdorlik maqomingizni tasdiqlovchi hujjatga ega bo‘lishingiz kerak. Keyin esa IIO xodimlarining yangi manzil bo‘yicha ro‘yxatdan o‘tish bo‘yicha ko‘rsatmalariga amal qilish kifoya.

Endi – eng yoqimli qismi

Agar biz yangi turar-joy majmualaridagi kvartiralar haqida gapiradigan bo‘lsak, ular ikki variantda taklif etiladi: pardozlangan (remontli) yoki «g‘ishtin» (qora suvoq) holatida. Tayyor kvartiralar ta‘mirlash rejasini ishlab chiqish, dizayn tanlash, mebel jihozlash va hokazolarni talab qiladi. Bu yerda hech qanday qoidalar va cheklovlar yo‘q: hammasi sizning byudjetingiz va qarashingizga bog‘liq.

Kvartirani qabul qilishda nimalarni yoningizda olib yurish kerak?

Ko‘zdan kechirish vaqtida quyidagilarni olishni unutmang:

• hujjatlar (shartnoma, pasport);
• qog‘oz skotch, bo‘r (aniqlangan nuqsonlarni belgilab qo‘yish uchun);
• sham, zajigalka (ventilyatsiya tizimi va derazalarning germetikligini tekshirish uchun);
• elektr testeri;
• ruletka;
• darajalar (urven);
• patronlarni tekshirish uchun lampochka;
• bir nechta A4 qog‘ozi, ruchka;
• fonar.

Birinchi navbatda nimani tekshirish kerak?

Quyidagilarga alohida e‘tibor bering:

• hujjatlar, ko‘chirmalar, shartnoma mazmuni;
• kirish eshigining holati va butligi;
• ventilyatsiya tizimi;
• kanalizatsiya;
• elektr tizimi;
• kommunikatsiyalar;
• oynalar (steklopaketlar);
• pol va devorlarning holati.

Kvartirani quruvchidan qabul qilib olish tartibi haqida Bisyor maslahatchilari sizga batafsil ma‘lumot berishga tayyor. Shunchaki saytimizda so‘rov qoldiring yoki ko‘rsatilgan raqam orqali biz bilan bog‘laning.